2016年7月5日星期二

金手指:白銀英鎊和人民幣


金手指 - 孫柏文 2016年7月5日  

 

■英鎊落筆呢刻超超超值。 資料圖片 


上個禮拜,白銀、英鎊、人幣都非常大波動。英鎊跌到飛起,白銀升到甩轆,而人幣就多年新低。 

先講人幣。如你係個「聰明」人,機關算盡,呢五年來將自己香港層樓按咗,諗住H+1%去借錢,跟住攞番大陸做定期,每年賺幾個百分點嘅息差兼人幣

升值,咁要恭喜你,因你學到咩叫「屙凸」。喺大陸嘅錢,紙上幾富貴都好,攞唔返出來,都係死。而大陸銀行系統一日未能畀人感覺清曬壞賬,人幣續跌,滴水式酷刑。 

英鎊,落筆呢刻超超超值。英鎊最不明朗因素就係歐盟會開咩脫歐條件。之前歐盟講到要「殺一儆百」兼要歐盟各國繼續行統一路線,點知到今日傳來德國總理不但唔想懲罰英國(會兩敗俱傷),佢哋覺得歐盟再中央集權,會令歐盟散。所以傳來要換鷹派嘅歐盟主席Juncker。如歐盟鷹派末落,英國冇事,英鎊將大反彈。特別係對我早幾個禮拜唱淡,樓市就爆嘅加幣。今日每英鎊兌1.71加幣,應好快二對一。 

好多人問點解白銀升咁多,連黃金都拋離。首先,比2011年高位,如銀跌幅同金一樣,白銀應賣30蚊美金。落筆呢刻只係廿皮。再講,全球人民正醒覺,衝擊現有秩序,而最後碉堡必定係央行。啲央行行長們,喺印鈔聲下聽唔到人民坦克衝來嘅聲,會有排升。不過如你用孖展買白銀,現水平要諗平倉。 

商品及外匯成另一戰場


點石成金 - 石鏡泉 2016年7月5日  






【晴報專欄】負利率,帶挈了REITs與公用股的上升,除這些股外,尚有金、銀和外滙,這三者風險不少,近日白銀急升後,黃金或有些短期回調壓力,金友宜留心。 

據《金滙財經》報道: 
周一(7月4日)亞洲區市場盤初,現貨白銀漲破20美元大關,為2014年8月以來首次,最

高至20.10美元/盎司。現貨金則微幅上漲,亞市早段報1,343.11美元/盎司。 

上周,黃金連續第五周上漲,以英鎊計價的黃金更是突破1,000大關;白銀則逼近20美元關口,為2014年9月以來最高水平,因投資者猜測英國投票決定脫離歐盟後,各國央行需要持續支撐全球經濟。上周銀價累計大漲11.35%,為近3年來最大單周漲幅。 

黃金白銀受避險資金追逐 
外匯分析師Fawad Razaqzada在一份聲明中稱,上周白銀漲幅超過英國脫歐對金價提振所帶來的漲幅。和黃金不同,白銀存在工業用途,所以當銅這類基礎金屬反彈的時候,也會間接提振白銀反彈。 

Razaqzada還表示,美元及以美元計價的貴金屬本周將再次成為焦點,因注意力略微從英國脫歐轉移,更多地關注經濟基本面和美國貨幣政策。 

基本面分析:全球對英國退出歐盟的不安情緒消退,帶動英鎊和歐元等其他主要貨幣趨穩;而黃金好友持續發力,全球最大黃金上市交易基金—SPDR Gold Trust GLD上周五的持倉量增加0.41至953.91噸,為2013年7月以來最高。 

目前金價已經突破1,350,短期目標價位看1,360附近;不過,考慮到近期漲幅過大,有整固的風險,而且金價的上漲勢頭沒有白銀強勢,建議投資者不宜追漲。若金價意外下行,跌破1,340重要支撐的話,則說明近期上漲勢會結束。 

歐元澳元瑞郎趨跌 日圓不宜沾手 
外滙近日波動,除了受英脫歐的突發衝擊外,主流還是要跟各國央行的息口政策,附圖的貨幣政策途向標示出各央行目前的利息政策定位,及可能的走向。 

在各自央行的貨幣政策主宰下,美元兌各幣的支付、阻力位如下: 

歐元/美元:上受阻於1.1130。傾向在1.1130下方做空,目標1.1035及1.1005。若上破1.1130,則可上至1.1155及1.1185。月趨勢:看跌。 

澳元/美元:日綫技術指標不明,0.7475下方傾向沽,目標0.7420/0.7375,若上破0.7475,可升至0.7510/0.7550。月趨勢:看跌。 

美元/瑞郎:RSI指標缺乏上行動能。傾向在0.9800下方沽,目標0.9725及0.9690。若上破0.9800,可上至0.9840及0.9900。月趨勢:看跌。 

英鎊/美元:RSI指標低於中位綫。傾向在1.3360下方沽,目標1.3215及1.3145。若上破1.3360,可上至1.3430及1.3495。月趨勢:看漲。 

美元/日圓:100下不宜追沽,防日央行出手。由於政府幹預風險大,暫不宜沾手。 


來源 source: http://www.skypost.hk

大棋局:白銀之200億對決

白銀每盎斯20蚊(美元·下同)唔係特別貴,亦唔係特別平,但喺呢個水位無端端好友、淡友駁火,長短倉雙雙破歷史高位,背後牽涉200億對決,有乜嘢大事正在醞釀等待爆發?

5月時曾提及,據美國商品期貨交易委員會(CFTC)數據,白銀嘅倉位,商業性同非商業性投機者嘅淨長倉及淨短倉都創歷史新高。截至6月28日,兩邊倉位冇減不特止重要加倉,咁樣對峙法就係要將對家吞落肚先會收手。


商 業性持倉主要係業內人士,非商業性持倉主要係對沖基金等投機者,過去兩邊對決,最後通常業內盤贏,所以當時估計白銀要爆落,結果大錯。大盤口對決而投機者 贏,次數唔多,但贏親都係有大鑊嘢。例如2008年嘅油價,石油開採商當時心諗:「阿叔挖油多過你食飯,挖幾多,賣幾多,心中有數。」所以唔少油商同大行 對賭,將預期產油量打包以溢價賣出,收錢袋袋平安。點知最後油價夾到140蚊打爆倉,油商中招嘔突。


有關白銀走勢,嘗試從三個角度睇。首先,從技術走勢而言,銀價破大頸線上,第一浸最少見23至24蚊,到位後估計會輕輕突破,再略回,會否爆第二浸要再視屆時倉位。


其次,銀價已出現100天線升穿500天線嘅黃金交叉,21世紀只出現過2次,今次為第3次。當出現呢種長線黃金交叉,升幅往往超過50%,而銀價由今年低位至今升幅亦已超過50%。


其 三,黃金白銀比率長期徘徊於40至80,中位數60,意思係每盎斯黃金可換60盎斯白銀。我哋現時嘅貨幣系統,以布雷頓森林體系瓦解為分水嶺,所以由 1975年起計,黃金白銀比率最高100.82,最低14.01,執筆時68。若比率要回至中位60,一係金唔升銀升,一係銀唔升金跌,或金少升銀大升、 金大跌銀少跌。


由於從幾個角度睇銀價已接近第一浸短頂,現時才追風險唔細,寧願由佢升到23至24蚊睇下會否回塘,再睇下倉位仍然對峙定已陸續平倉,先再睇位決定較穩陣。

Mr. Tregunter


http://hk.apple.nextmedia.com